DAKO ang pasalamat sa Farmers Market Association kang Governor Juliette Uy sa pagpadayon sa ilang pagpamaligya sa ilang nagkadaiyang produkto sa kapitolyo probinsyal. Gibutyag ni Farmers Market Association PIO Mr. Florentino Lamba dako og tabang kini nga Programa aron matabangan ang mga gagmayng negosyante nga mag-uuma sa lalawigan. Gidugang ni Lamba nga pinaagi sa Farmers Market mas mapadali ang pagpamaligya sa mga produkto gikan sa mga lagyong dapit sa probinsya.
Samtang gibutyag usab ni Provincial Agriculture Head Dr. Benjamin Resma nga plano sa probinsya nga dugangan pa ang adlaw sa pag abri alang sa publiko. Kahinumduman nga abri sa publiko ang farmers market sa adlawng huwebes ug biyernes sugod alas otso sa buntag hangtod alas singko sa kahapunon. Ang Farmers Market usa sa Programa sa Probinsya nga gipadayon ni Governor Juliette Uy aron paghatag higayon sa mga mag-uuma nga mo-asenso ang ilang mga panginabuhuan.
By: Ellen Mae Lahinao/PIO
Hulagway kuha ni: Jezreel Ecuacion/PIO