DILI pasagdan ni Gov. Juliette Uy ang sektor sa turismo ning probinsya. Mao kini ang iyang gisulti atol sa courtesy call uban sa Association of Tourism Officers of Misamis Oriental (ATOM). Sa maong tigom anaa si Provincial Tourism OIC Cinderella Obeñita uban si former provincial tourism officer Atty. Jeffrey Saclot ug uban pa. Gihisgotan ang income generating avenues subay sa pag-promotar sa turismo, locally ug internationally.
Buot usab tutokan sa gobernadora ang pagpanindot sa mga kadalanan, dunay epektibong drainage system ug organized pedestrians. Pag-awhag niini sa Provincial Tourism uban ang ATOM nga makigtimbayayong sa tanang LGUs aron mapadali ang katumanan sa mga lakang kalabot iini. Kini gilangkoban sama sa pagtanom o pagbutang og mga bulak sa pathways, pagbaton og limpyo nga mga kanal ug pagsiguro nga walay obstruction sa mga agianan.
Dugang pa sa gobernadora nga angay lantawon ang mga oportunidad sa pagpaila sa lalawigan ngadto sa nasud ug kalibutan. Sa maong rason nga dili lamang pinaagi sa mga beauty pageants ug Kuyamis festival, apan sa kinatibuk-an may kalambigitan sa uban pang related economic sectors. Samtang gimandoan sila ni Gov. Uy nga sutaon ang tanang tourist destinations ug pinaagi sa consolidated data malantaw og ayo ang mga gikinahanglan sa matag spot.
Kahinumdomang prayoridad sa goberbadora ubos sa iyang administrasyon ang pagpalawig sa turismo.
By: Rejiann Ammor R. Maygay/PIO
Hulagway kuha ni: Marvin Gilig/PIO