GIHINGUSGAN ang pag-promotar sa maayong panglawas ning probinsya. Kini sa pagpanguna sa Provincial Health Office subay sa mandato ni Gov. Juliette Uy kung asa prayoridad niini ang nasangpit nga aspeto. Nagmalampuson ang orientation on Healthy Public Open Spaces (HPOS) Playbook ug ang paghimo og Committee kalabot niini uban sa nagkadaiyang buhatan sa kapitolyo. Gilantaw nga bililhon ang maong programang magbaton og healthy public open spaces alang sa promotion of physical activity nga moresulta sa active aging agi’g maminusan ang non-communicable diseases, stress ug depressive symptoms; pag-improbar sa moods; pag-enhance sa cognitive functioning; paghatag og sense of belonging; ug, ang maayong epektong dala sa urban greenery alang sa usa ka climate-resilient nga komunidad.
Samtang ang health promotion gilangkoban sa gikinahanglang mga lakang nga mao ang pagmugna og healthy public policy, supportive environments, community action, pag-develop og personal skills ug re-orienting health services.
Positibo usab ang reaksyon gikan sa mga participating heads and representatives alang sa HPOS implementation nga mitugyan sa ilang hugot nga suporta niini. Ang maong kalihukan gipangulohan nila ni PHO-OIC Dr. Israel Peralta, Jr. ug PHO Technical Division Head Dr. Teodoro Yu, Jr. uban ang mga nahimong speakers nga sila si HEPO II Rainier Miego, Lifestyle Related Diseases & Control Program Manager Mark Pelias, Disaster Risk Reduction Management in Health Program Manager Roi Vincent Eli ug EOH Program Manager Engr. Jacklyn Lim.
Dugang pa, buot ipabalo ni Dr. Peralta ang importansya sa upat ka aspeto sa paglantaw sa health sa matag Misamisnon. Kini mao ang promotive, preventive, curative ug rehabilitative. Ug gikompirma ni Dr. Yu nga ang lalawigan sulod sa rehiyon 10 maoy nag-una niini nga implementasyon katimbayayong ang Department of Health. Gipaabot usab sa PHO mao ang pasalamat ngadto kay Gov. Uy uban ang pagsiguro nga ilang ayohon ang tanang gihuptang tahas kalabot sa maayong panglawas.
By: Rejiann Ammor R. Maygay/PIO
Hulagway kuha ni: Marvin Gilig/PIO