IKNB SCHOLARS MIDAWAT SA EDUCATIONAL ASSISTANCE
NAGPADAYON ang pag apud-apod sa Educational Assistance sa “Iskolar Ko Ng Bayan” (IKNB) programa ni Governor “Peter Sr. Pedro” M. Unabia sa mga estudyante sa lalawigan.
Miyerkules, Marso 8, 2023, gipahigayon ang unang adlaw sa pagpangtunol sa kagamhanang Probinsyal sa Balingasag,Opol, ug El Salvador City gikan sa IKNB ubos sa pagpangulo ni Ms. Jaira Silos.
Sa ikaduhang adlaw maoy natunolan ang mga iskolar sa Tagoloan, Gitagum, MOLT-WEST, samtang sa ikatulong adlaw maoy nakadawat ang Balingoan, Initao ug Binuangan Scholars sa tig 1,373 og tig P2,500 alang sa 2nd Semester tuig 2021 ngadto sa 2022.
Kahinumdoman gimando sa Gobernador ngadto sa buhatan sa IKNB ang hinanali nga pag tunol sa assistance sa dili pa matapos ang bulan sa Marso. Og sa Marso 15, 2023 magpadayon ang educational assistance sa matag lungsod sa Sugbongcogon, Libertad MOLT- EAST, Villanueva, Naawan, ug Claveria.
Daghan na ang mga estudyante sa lalawigan ang milampos sa pagtoun gumikan sa Iskolar Ko Ng Bayan, usa ka programa ni Governor Unabia sa PAGLAUM Strategic Direction sa letrang P ang Participatory Governance ug letrang A ang Aggressive Programs for Youth Welfare and Development.
By: Jeneva C. Chacon / PIO
Photos courtesy: Iskolar Ko Ng Bayan department
