FORMER PRESIDENT DUTERTE NAKIGTIGOM SA MGA OPISYALES SA CDO UG MISOR

PERSONAL nga miduyog si Gobernador Peter “Sr. Pedro” Unabia sa gihimong panagtigom ni kanhi Presidente Rodrigo Roa Duterte kauban ang lokal nga kagamhanan sa Cagayan de Oro ug Misamis Oriental.
Nahimong highlight sa maong katigoman ang pormal nga pagdeklara kang Duterte ug Senator Bong Go isip ‘Adopted Sons sa Cagayan de Oro. Gihimo kini tungod sa ilang dakong kontribusyon sa kalamboan sa dakbayan ug probinsya.
Atol sa kalihokan, gipasabot sa kanhi presidente nga ang panggobyerno kinahanglang patas, matarung, ug walay bulok sa politika sa pagserbisyo ngadto sa mga katawhan.
Pamatuod lamang kini sa lig-on nga panagdugtong ug relasyon sa mga opisyales alang sa usa ka tumong nga mahatagan og maayong kaugmaon ang katawhan.

By: Jane Salimbao/PIO

Photos Courtesy of Peter “Sr. Pedro” Unabia Facebook Page