MISAMIS ORIENTAL: Gisiguro ni Governor Pedro M. Unabia nga mapanindot ang Farmers Market isip pang-andam sa ipatuman nga night café sa Kapitolyo Probinsyal. Matod ni Acting Provincial Agriculture Officer– Dr. Benjamin Resma nga dunay tukorong gambalay para niini nga kalihokan.
Gidugang pa niya ang plano sa gobernador nga adlawng Biyernes ug Sabado ipahigayon ang night café.
Ang Farmers Market sa Kapitolyo Probinsyal matag biyernes mao’y nagsilbeng baligyaanan sa mga produkto gikan sa lalawigan. Samtang gilauman usab nga makadani ug mga turista ang ipahigayong night café.
