GILARAW karon ni Governor Juliette T. Uy nga mapalambo ang natad sa agrikultura sa probinsya. Kini ang sentro sa gihisgotan sa gobernador kauban si Korean Embassy in the Philippines’ First Secretary Lee Jeoung Bin ug DA-10 Regional Technical Director for Operations Carlota S. Madriaga. Tumong sa panagtigom nga hisgotan ang posibilidad sa pagmugna og mga proyekto nga pondohan sa Korean Government isip pagsulbad sa panginahanglanon sa mga mag-uuma.
Pipila sa hatagan og pagtagad mao ang pagmugna og processing center, cold chain facility, grain centers ug mga smart greenhouses. Kini isip pagsulbad sa post-harvest needs sa mga corn, vegetable ug cassava farmers samtang makabaton og dekalidad nga produkto alang sa mga konsumante.
Gipasalig ni Madriaga nga andam kini musuporta sa mga plano ug programa sa gobernadora alang sa kalamboan sa agrikultura sa probinsya.
By: Jane Salimbao/PIO
Hulagway kuha ni: Jez Ecuacion/PIO
