SUBLING gisakmit sa lungsod sa Naawan ang kampeyonato sa Kuyamis Street Dance Competition ning tuiga. Gipukan sa Naawan ang laing upat ka lungsod atol sa nahisgutang kompetisyon nga gilangkuban sa Magsaysay, Claveria, Gingoog ug Initao. Kahinomdumang kampeyon usab sa susamang kompetisyon ang Naawan sa tuig 2024.
Ang ubang mananaug ning tuiga gilangkuban sa 1st Runner up ang Magsaysay, 2nd runner up ang Claveria, 3rd runner up ang Initao ug 4th runner up ang Gingoog City.
Ang Grand winner midawat sa kinyentos mil pesos, tresyentos mil pesos sa 1st runner up, dosyentos sinkwenta mil pesos sa 2nd runner up, ug dosyentos mil pesos ang 3rd ug 4th runner up. Mohatag usab si Governor Peter “Sr. Pedro” Unabia og dugang usa ka milyon ka pesos nga tourism based project sa mga lungsod ug dakbayan nga nisalmot sa kompetesyon. Kahinomduman usab nga mogahin ang gobernador sa usa ka milyon ka pesos isip educational assistance sa tanang SGLG passers ning tuiga.
Misaksi sa kompetisyon sila si Senator Imee Marcos, Former Department of Interior Local Government (DILG) Secretary Benhur Abalos, Department of Tourism Undersecretary Ferdinand Jumapao, Governor Peter Unabia, 1st Dist. Rep. Christian Unabia, 2nd Dist. Rep. Bambi Emano ug mga lokal nga opisyal sa lalawigan.
Kabahin kin isa tinguhang makubsan ang kalisod sa lalawigan subay sa single-digit poverty incidence (SDPI) ug PAGLAUM agenda ni sa letrang G – Goal Oriented Tourism Development.
By: Nefilim Diaz
Hulagway kuha nila ni: Mark Brendex Seno/PIO ug Jezreel Ecuacion/PIO