GIKALIPAY ni Balingasag Mayor Alexis Quina ang plano sa gobernador kalabot sa health care system sa lalawigan. Matud sa mayor, dako ang ikatabang niini nga laraw hilabina sa balay-tambalanan sa ilang lungsod, ang Misamis Oriental Provincial Hospital-Balingasag. Dugang sa mayor, excited kini nga makigtimbayayong sa gobernadora ug sa kongresista sa unang distrito aron magtutok sa maong sektor.

Suportado niini si Governor Uy tungod kay susama ang ilang panglantaw sa paghatag prayoridad dili lamang sa maayong panglawas apan lakip na ang panginabuhian ug pagpanarbaho alang sa katawhan. Tungod niini, nanghinaot ang mayor sa gobernadora nga mahatagan og kahigayonan nga makabaton og dugang investors sa ilang lungsod nga makatabang og dako sa ilang mga ginsakupan.

Kahinumduman, gisaad ni Governor Uy nga hatagan og dakong pagtagad ang walo ka mga provincial hospitals sa tibuok lalawigan atol sa iyang inaugural address niadtong Hulyo 1 ning tuiga.

By: Jane Salimbao/PIO

Hulagway kuha ni: Jez Ecuacion/PIO