GILARAW karon sa Panggamhanang Probinsyal nga mapalambo ang industriya sa lubi sa lalawigan. Kini ang unod sa gihisgotan atol sa panagtagbo ni Governor Juliette Uy, Department of Agriculture-10 Regional Executive Director Jose Apollo Pacamalan ug Singaporean Founder & CEO of Moorfields Capital Pte Ltd Mr. Hee Meng Chia. Matud ni RD Pacamalan, giuna niini pagbisita ang Misor gumikan himoong model tungod sa kasamtangang pasilidad sa Coconut Processing Facility nga anaa sa Balingasag.
Kabahin kini sa pag-finalize sa gihimong investment portfolio sa ahensya sa pakigtimbayayong sa foreign investors. Laumang dunay pagatukoron usab nga laing pasilidad sa lubi sa lungsod sa Initao aron adunay magamit sa mga coconut farmers sa westeng bahin. Target karon sa ahensya nga makatanom og usa ka milyon nga lubi matag probinsya sa Northern Mindanao alang sa umalabot nga investment sa rehiyon. Gipasalig usab ni Pacamalan nga andam kini maghimo og counterpart scheme aron mapadaghan ang produksyon sa lubi sa tibuok lalawigan.
Kini sinugdanan lamang sa mga dagkong plano aron mapalambo pa ang agrikultura ug musaka ang ekonomiya sa probinsya.
By: Jane Salimbao/PIO
Hulagway kuha ni: Charm Andy Pacamalan/PIO