GIBUTYAG ni Department of Tourism (DOT) 10 Regional Director Marie Elaine Unchuan nga iyang gitan-aw ang umalabot nga mga plano ni Governor Juliette Uy sa turismo. Kini human gitumbok ni Governor Uy sa iyang inaugural speech nga usa sa iyang hatagag importansya ang pagpalambo sa turismo sa Misamis Oriental.
Matod ni RD Unchuan, mahatagag gibug-aton ang silk production sa lungsod sa Villanueva nga makahatag og dugang kalamboan sa ekonomiya.Gidugang niini, iya nang nasaksihan ang dedikasyon sa pagpanarbaho ni Gov. Uy sa panahon nga siya ang congresswoman sa segundo distrito, mao nga iyang gilauman ang mga umalabot nga programa sa administrasyong Uy.
Gitumbok ni RD Unchuan nga mag depende pa sila sa oras ni Gov. Uy aron maghatag og komprehensibo nga datos sa mga kalihokan ug plano sa rehiyon kabahin sa turismo. Samtang magpadayon pa ang mga tourism programs sa DOT sa lalawigan sama sa dive tourism, tourist circuit ug uban pa.
Kahibaloang nagkatigom ang mga regional director sa mga ahensya sa gobyerno lakip mga lider sa pribadong sektor aron musaksi sa opisyal nga inagurasyon ni Governor Juliette Uy isip inahan sa Misamis Oriental.
By: Nefilim Diaz/PIO
Hulagway kuha nila ni: Charm Andy Pacamalan/PIO ug Jezreel Ecuacion/PIO
