LAING 147 ka mga gagmayng negosyo sa lalawigan ang natabangan pinaagi sa Provincial Microfinance Unit-Livelihood for Economic Recovery and Acceleration Program (PMU-LEAP). Ang mga benepisyaryo gilangkuban sa 55 sa Opol, 32 sa El Salvador, 33 sa Laguindingan ug 27 sa Alubijid. Ang matag usa kanila naka dawat og tag dyes mil (P10, 000.00) Pesos. Gipahinomduman ni Opol Mayor Jay Francis Bago ang mga negosyante nga angayang idapat sa ilang negosyo ang nadawat nga ayuda.

Gitudlo-an usab ang mga benepisyaryo mahitungod sa Financial Literacy and Basic Bookkeeping ug Moral Values Shape Entrepreneurial Success ug Entreprenurial Mind Setting and Value Formation Through Business Expense Saving Training. Anaa sa kalihokan si Governor Unabia, Sangguniang Panlalawigan Members, mga Mayores, Barangay Officials sa nagkadaiyang Barangay ug mga dinapit nga bisita. Katimbayayong sa Programa ang Department of Trade and Industry ug Department of Labor and Employment ug Negosyo Center.

Kabahin kini sa tinguhang makubsan ang kapobrehon sa lalawigan kon SDPI Program ug nakalatid sa PAGLAUM agenda ni Governor Unabia sa letrang l Livelihood and Employment through Industry Development.

By:Ellen Mae Lahinao/PIO

Hulagway kuha ni: Mark Anthony Pareja/PIO