DUL-AN SINKWENTA MILYONES (49,405,162.26) PESOS ang kinatibuk-ang natunol sa Provincial Microfinance Unit – Livelihood for Economic Recovery and Acceleration Program (PMU-LEAP) sa mga negosyante sa Misamis Oriental. Ang nobentay uno (91) ka mga negosyante nga naayudahan dunay nagkalain-laing klase sa negosyo. Kahinumdomang tumong ni Governor Peter “Sr. Pedro” Unabia nga matabangang mapalambo ang mga negosyante hilabi na ang micro, small, medium enterprises (MSMEs). Lakip usab sa tinguha niini nga maluwas ang mga negosyante sa mga tigpatanto og kwarta.
Kabahin kini sa tinguhang makubsan ang kalisod sa lalawigan subay sa Single-Digit Poverty Incidence (SDPI) Program ug PAGLAUM agenda sa letrang L – Livelihood and Employment Thru Industry Development.
By: Nefilim Diaz/PIO
Hulagway kuha nila: Marvin Gilig/PIO ug Charm Andy Pacamalan/PIO