GISUGDAN ning semanaha sa usa ka flag raising sa kapitolyo probinsyal nga maoy ikaduhang higayon sukad milingkod si Gov. Juliette Uy. Highlight niini ang reporting sa PGMO financial status pinaagi nila ni Provincial Treasurer Ronald Jame Violon ug Provincial Accountant Philip Louie Dagoc. Kini subay sa buot mapatumang transparensya nga klase sa pagdumala ubos sa iyang administrasyon.
Gitanyag sa nasangpit nga mga department head nga mokabat sa Php934,905,056.47 ang grand total payable sa kapitolyo ning kasamtangan. Ug duna usab unliquidated cash advances nga mikantidad og Php65 milyones. Hisayrang giagi sa kuting proseso nga naglakip sa Pre-Audit examination sa tanang vouchers ug payrolls ug naglambigit nga supporting documents ngadto na sa pag-sumite niini.
Samtang giklaro nila ni Violon ug Dagoc nga dunay hugot nga kolaborasyon ang kagamhanang probinsyal tali Commission on Audit (COA). Sama nalang sa paghatag sa mga gikinahanglang impormasyon gikan sa LGU’s financial information nga gilangkoban sa assets, liabilities, income and expenses, government equity, cash flows ug uban pa.
Kahinumdomang gipaningkamotan sa bag-ong administrasyon nga maplastar ang kinatibuk-ang sistema labina ang panudlanan sa probinsya aron dili maapektuhan ang paghatod og mga tukmang serbisyo sa katawhan.
By: Rejiann Ammor R. Maygay/PIO
Hulagway kuha ni: Jezreel Ecuacion/PIO
