GIPASIDUNGGAN sa Panggamhanang Probinsyal si Gold Medalist Mr. Kirk Rivera Zamayla gikan sa Villanueva ning lalawigan. Nakuha ni Zamayla ang medlayang bulawan sa gipahigayong 11th South East Asian Karate Federation Championships sa Bangkok, Thailand. Gitunol mismo ni Governor Peter “Sr. Pedro” Unabia ang plaque of recognition ug cash incentives kaniya atol sa senimanang pagpakayab sa nasudnong bandila. Mapasalamaton usab si Zamayla kang Governor Unabia tungod sa dakong suporta nga gihatag kaniya ug nanawagan sa mga kabatan-onan nga magpadayon lang sa pagkab-ot sa pangandoy. Si Zamayla midula sa Men -55 kg. under 21 category niadtong Abril 24-26 ning tuiga. Ang kompetisyon gisalmotan usab sa mga nasud sa Brunei, Cambodia, Indonesia, Malaysia, Thailand ug Vietnam.

Kabahin kini sa tinguhang makubsan ang kalisod sa lalawigan subay sa SDPI Program ug sa PAGLAUM Development Agenda ni Governor Peter “Sr. Pedro” Unabia sa letrang “A” kon Aggressive Programs for Youth Welfare and Development.

By: Jane Salimbao/PIO

Hulagway kuha ni: Charm Andy O. Pacamalan/PIO