GIPASABOT ni Gov. Juliette Uy nga ubos sa iyang administrasyon lauman nga ang Kapitolyo angay nga himoong balay sa katawhan kon abli alang sa tanan. Kini nga mga pulong nagpasabot sa dakong tinguha sa Gobernadora nga ang Kapitolyo mahimong tinubdan sa tinud-anay nga serbisyo alang sa katawhan. Mensahe usab niini nga ang panaghiusa, pagtinabangay ug pag-renespetohay isip usa ka inahan sa lalawigan maoy buot mapatuman niini. Ug sulti pa niini nga dili siya angay kahadlokan.
Dugang pa niini nga ang kapitolyo usa ka simbolo sa kausaban alang sa tibuok Misamis Oriental. Samtang gipahimangnoan ang matag lungsod nga sila kabahin sa dakong paningkamot sa pagtukod ug mas maayong kaugmaon sa probinsya. Kini sa iyang tinguha nga ang serbisyo publiko mabatian ug masinati sa tanan.
Sa katapusang bahin, nagpadayag si Gov. Uy sa dako niyang pasalamat sa mga Misamisnon nga misalig kaniya.
By: April Jaquilmac/PIO Intern
Hulagway kuha ni: Jez Ecuacion/PIO
