GUSTONG masiguro ni Governor Peter “Sr Pedro” Unabia ang kaayohan sa mga katawhan sa lalawigan. Kini giluwatan ni Unabia subay usab sa pagdawat sa probinsiya sa Seal of Good Local Governance ning tuiga. Tinguha ni Unabia nga maghatag maayong epekto sa katawhan ang SGLG award sa probinsiya. Personal nga gidawat ni Gov. Unabia ang SGLG Award ning tuiga uban nila ni 1st Dist. Representative Christian Unabia, 2nd Dist. Representative Bambi Emano. Misaksi usab sila si vice governor Jig-Jag Pelaez, Board Members ug mga Department Heads sa probinsiya.
Gidawat usab sa mga mayores ang ilang SGLG Awards para sa ilang tagsa-tagsa ka lungsod ug siyudad ning lalawigan. Kini gilangkuban sa lungsod sa Alubijid, Balingasag, Balingoan, Binuangan, Claveria, Laguindingan, Magsaysay, Medina, Naawan, Opol, Salay, Sugbongcogon ,Villanueva ug siyudad sa El Salvador ug Gingoog.
Kabahin kini sa tinguhang makubsan ang kalisod sa lalawigan subay sa SDPI Program ug kinatibuk-ang PAGLAUM development agenda sa gobernador.
By: rw/PIO
Hulagway kuha ni: Jezreel Ecuacion/PIO