GIBUTYAG ni Governor Peter Unabia nga andam kini mutabang sa Biente Singko (25) ka mga kanhi rebelde nga mibalik sa sabakan sa gobyerno.
Personal nga gipaminawan ni Gov. Unabia ang hangyo sa kanhi mga rebelde sa gipahigayong seremonya didto sa San Martin, Villanueva ning lalawigan. Lakip sa gihangyo sa mga returnees ang kahibalo pagdumala sa mga sari-sari store ug puhonan sa negosyo.
Tumong ni Gov. Unabia nga mahatagan ug maayong kahimtang ang mga kanhi rebelde ug maandam sila sa pagsugod nila sa bag-ong kinabuhi sa komunidad.
Kauban ni Gov. Unabia ang kadagkuan sa kapolisan ug kasundalohan sa seremonya may kalabotan sa pagtahan balik sa gobyerno sa mga kanhi miyembro sa New Peoples Army (NPA).
By: Jane Salimbao/PIO


Hulagway kuha ni: Charm Andy Pacamalan/PIO