DETERMINADO si Gov. Peter Unabia nga palamboon ang walo ka hospitals sa lalawigan. Kini gipahayag sa gobernador atol sa consultative meeting sa mga health workers aron hisgutan ang pagkab-ot sa herd immunity sa lalawigan.
Gibutyag ni Gov. Unabia nga suportado niya ang panawagan sa nasudnong kagamhanan bahin sa pagpamakuna. Gipahayag usab sa gobernador ang pagtukod sa super health centers ug pag-improbar sa mga municipal health centers.
Ang Provincial Consultative Meeting gilangkoban sa tanang Municipal/City Health Officers (M/CHOs), Doctors to the Barrios (DTTBs) gikan sa nagkadaiyang Rural Health Units (RHUs), City Health Offices, uban ang Provincial Department of Health Office (PDOHO).

By: Rejiann Ammor R. Maygay/PIO


Photo courtesy: Provincial Health Office