NAGPASALAMAT ang LGU- Jasaan sa suporta ubos sa dul-an tulo ka tuig nga pagdumala ni Gov. Peter “Sr. Pedro” Unabia ning lalawigan. Mao kini ang mensahe ni Mayor Redentor Jardin atol sa State of the Province Address (SOPA). Gibutyag niini ang tabang gikan sa kagamhanang probinsyal nga naglakip sa sektor sa agrikultura, panglawas, edukasyon, tourism promotion, road improvement, financial assistances ug social services.
Gitaho usab ni Gov. Unabia ang kolaborasyon sa tanang lideres nga maoy hinungdan sa nakab-ot nga mga kalamposan. Ubos sa administrasyong PAGLAUM, giila ang probinsya isip Seal of Good Local Governance Awardee, PAGASA Regional Awardee – Civil Service Commission, Fully Compliant – Gawad Kalasag Regional Awardee, High Performing – Anti-Drug Abuse Council Audit Results, ug uban pa.
Samtang giawhag sa gobernador ang tanan nga pabiling magmadasigon ug hataga’g tukmang aksyon ang pagkab-ot sa single digit poverty incident rate kon mahimong 8% sa tuig 2028. Nagpaabot usab og mensahe sila si 2nd District Representative Yevgeny Vincente Emano, Provincial Board Member Pangky Acain, BM Syremae Emano, Claveria Mayor Meraluna Abrogar ug 2nd Congressional satellite OIC Nancy Madjos. Liboang katawhan sa Jasaan ang misalmot sa maong kalihukan.
Kabahin kini sa tinguhang makubsan ang kalisod sa lalawigan subay sa SDPI Program ug kinatibuk-ang PAGLAUM development agenda ni Gov. Unabia.
By: Rejiann Ammor R. Maygay/PIO
Hulagway kuha ni: Charm Andy Pacamalan/PIO