MIBISITA sa lungsod sa Claveria ang Korean Media ning bag-o. Tumong sa pagbisita ARON masaksihan ang kaanindot sa mga talan-awon sa maong Lungsod. Lakip sa gibisitahan sa mga Korean Media ang View Deck ug Kilobag Falls sa Villa Cascada Farm Resort. Pinaagi sa maong turista dako kaayo og higayon nga dagsaon sa International ug local nga turista ang tibuok lalawigan gumikan sa dili ikalimod nga sa kaanindot ug katahom sa mga hiyas nga sa Misamis Oriental lamang masaksihan.
Kahinumduman nga lima (5) ka adlaw nagbisita ang onse (11) ka Korean Media sa Misamis Oriental, Iligan City, Bukidnon ug Dakbayan sa Cagayan de Oro. Ang kalihokan gipangunahan sa Provincial Tourism Office kauban ang Local Government Unit sa Claveria.
Padayon ang pagpangingusog ni Governor Juliette Uy ang Sektor sa Turismo kay nagtuo kini nga dako og ikatabang hilabi na sa pagpangempleyo, economic growth ug sa mga gagmayng negosyante sa Probinsya.
By: Ellen Mae Lahinao/PIO
Hulagway kuha ni: Charm Andy Pacamalan/PIO