LIBOAN KA LUMULUPYO SA MANTICAO NAHIMONG BENEPISYARYO SA SERBISYONG PAGLAUM
MOKABAT sa sais sientos (600) ka indibidwal ang nakapahimulos sa libreng health services nga gidalit sa kapitolyo probinsiyal didto sa Manticao ning lalawigan.
Lakip sa serbisyo nga napahimudsan sa mga katawhan ang medical consultation, mental ug dental, blood chemistry, blood letting, deworming, vitamin supplementation, progestin subdermal implant, konsultasyon para sa mga buntis ug pagpamakuna batok COVID 19.
Mitunol usab ang Iskolar Ko Ng Bayan (IKNB) sa Dos sientos singko mil pesos nga ayuda sa mga iskolar sa lalawigan ug 512 ka indibidwal ang nakadawat sa buga ug food packs.
Lakip usab sa mihatag sa ilang serbisyo ang Legal office, Cooperative Office ug Philippine Statistic Office. Ang “Serbisyong PAGLAUM” gipangunahan ni Gov. Peter “Sr Pedro” Unabia, 2nd District Congressman Bambi Emano, Vice Gov. Jigjag Pelaez, Board Members, Department Heads, Lokal nga opisyales sa maong lungsod.
By: Rejiann Ammor R. Maygay/PIO
Serbisyong PAGLAUM alang sa maayong panlawas – Progestin Subdermal Implant pinaagi sa PPO.
Serbisyong PAGLAUM hatod ang libreng mga medisina uban ang MOPH- Manticao.
Serbisyong PAGLAUM alang sa pagpang-apod-apod sa mga food packs ngadto sa lumulupyo sa Manticao.
Serbisyong PAGLAUM – libreng konsultasyon alang sa taga- Manticao pinaagi sa MOPH- Manticao ug PHO.
Serbisyong PAGLAUM nga lakip mga binuhing iro ug iring natabangan sama sa pagkapon ug laygit ug mga bitamina nga gihatag gikan sa buhatan sa ProVet.
Serbisyong PAGLAUM – Buntis Class pinaagi sa buhatan sa Provincial Health.
Serbisyong PAGLAUM – PHO Dental Services lakip mihatag sa libreng pag-ibot ngipon dadto sa lungsod sa Manticao.
Serbisyong PAGLAUM mahitungod sa legal consultations pinangunahan sa Provincial Legal Office.
