DAKONG oportunidad ang pagsalmot sa Kuyamis Festival sa 3rd Grand Perangat Festival dadto sa Oroquieta City, Misamis Occidental. Kini duyog usab sa pag-selebrar sa ika- nobentay singko (95) ka tuig sukad nahimugso ang nasangpit nga lalawigan. Dunay siyam (9) ka contingents nga gilangkoban sa Misamis Oriental, Surigao City, Zamboanga Sibugay, Tangub City, Oroquieta City, Ozamis City, Dipolog City ug Districts 1 & 2 sa Misamis Occidental. Gipakita sa Mais Performing Arts sa Claveria ang kultura, produkto, tourist spots ug kaagi sa Misamis Oriental.

Samtang gibutyag ni Provincial Tourism Officer Maryden Ocot ang pagpasalamat kang Gov. Peter “Sr. Pedro” Unabia sa ilang pagsalmot sa maong kalihokan. Gipahinomduman usab ni Ocot ang katawhan sa umaabot Kuyamis Festival sa Enero sunod tuig. Ang delegasyon giubanan usab ni Claveria Mayor Meraluna Abrogar uban ang LGU- Claveria Tourism staff, MDDRMO ug Medics team. Ang festival gipangunahan ni Mis Occ Governor Henry Oaminal ug gisaksihan nila ni Philippine Senator Imee Marcos, House of Representatives Deputy Speaker Camille Villar, Department of Tourism Undersecretary Ferdinand Jumapao, ug 10 Regional Director Marie Elaine Unchuan.

Kabahin kini sa tinguhang makubsan ang kalisod sa lalawigan subay sa SDPI Program ug PAGLAUM development agenda ni Governor Unabia sa letrang G kon goal-oriented tourism development.

By: Rejiann Ammor R. Maygay/PIO

Hulagway kuha ni: Jezreel Ecuacion/PIO