PORMAL nang gi inagurahan ang Free Wifi for All sa tibuok Probinsya. Kini katimbayayong ang Department of Information and Communication Technology. Pinaagi niini mapadali ang paghatod sa impormasyon og Serbisyo alang sa tanan Misamisnon. Gibutyag ni DICT10 Free Wifi Team Focal Person Engr. Hope Shalom Labadan nga adunay 205 Access Points sa109 location ang lalawigan.

Kini gilangkuban sa 20 Municipal/City Hall, 31Brgy.Hall , 6 Other Government Agencies, 4 Public Plaza, 12 Rural Health Units, 6 State Universities and Colleges, 29 Public Schools ug 1 Tourist Destination.
Dugang pa ni Labadan nga sa dili pa matapos ang tuig 2024 paningkamutan sa nasangpit nga Ahensya nga madugangan pa og dugang 6 ka lokasyon.

Atol sa kalihokan gipahigayon usab ang Site Visitation alang sa pagatukoron nga 1st Digital Transformation Center sa Probinsya. Misakmi sa Seremonya si DICTSecretary Atty. Ivan John Uy inuban nila Governor Peter “Sr.Pedro” Unabia, Asec. For Infostructure Management Philip Varilla, DICT10 Regional Director Sittie Rhama Alawi, Mga Mayores, nagkadaiyang ahensya ug uban pa.

Kabahin kini sa tinguhang makubsan ang kapobrehon sa lalawigan ubos sa SDPI Program ug nakalatid sa PAGLAUM Development Agenda ni Governor Unabia sa letrang P Participatory Governance ug letrang U Unified Efforts for Health and Social Services Delivery.

By: Ellen Mae Lahinao/PIO

Hulagway kuha ni: Mark Anthony Pareja/PIO