Kini gumikan sa pag-promotar niini sa mga produkto nga gama sa mga lokal nga sakop sa Micro, Small ug Medium Enterprises (MSMEs) atol sa exhibition. Ang mga local exhibitors gilangkoban sa Trunk to Gold Agribusiness Corporation nga adunay mga value-added products gikan sa lubi, SC Greengrocery and Food Processing, Northern Mindanao Federation of Dairy Cooperative (Highland Fresh) nga adunay produktong fresh milk, AM Noble Nature’s Blessing Marketing nga adunay produktong tsokolate ug tablea, Agay-ayan Farmers Multi-Purpose Cooperative nga adunay mga produktong kopras ug mga utanon, ug Sioan Gintong Araw Agriculture Cooperative nga adunay produktong corn coffee.

Mapasalamaton ang Panggamhanang Probinsyal sa ahensya sa Department of Trade and Industry (DTI) tungod sa walay puas nga suporta niini sa mga lokal nga mga negosyante sa lalawigan. Lakip nga gipasidunggan ang dakbayan sa Cagayan de Oro City atol sa maong kalihokan. Kahinumduman, prayoridad sa kasamtangang administrasyon nga mapalambo ang panginabuhian sa katawhan hinungdan nga namugna ang Provincial Microfinance Unit Livelihood for Economic Recovery and Acceleration Program (PMU-LEAP) sa gobernador.

Kabahin kini sa tinguhang makubsan ang kalisod sa lalawigan subay sa SDPI Program ug PAGLAUM Development Agenda ni Governor Peter Unabia sa letrang “L” kon Livelihood and Employment through Industry Development.

Photos Courtesy to Provincial Economic Development and Investment Promotion Office