DUL-AN kwatro sientos (366) ka Moral Values Reorientation Program Facilitators ang mitambong sa gipahigayong MVRP Meeting nga gipangunahan ni Governor Peter “Sr.Pedro” Unabia. Tumong sa kalihokan nga matuki ang dugang plano alang sa maong programa. Dako ang pasalamat ni Noel Badoles isip MVRP Facilitator sa lungsod sa Alubijid sa programa tungod kay para kaniya dako kining tabang sa matag empleyado labina sa pagpanarbaho. Sa kalihokan, gitanyag usab ni MVRP Provincial Consultant Mr. Homer Bana ang mga kalampusan sa programa.
Anaa sa kalihokan sila si Governor Unabia, Board Member Rey Buhisan, Board Member Bobet Delara, El Salvador City Mayor Edgar Lignes, Bishop Alex Eduave, Bishop Alberto Gulfan Jr. ug uban pa. Kahinumduman nga ang Programa subay sa Ordinance No.1580-2023 sa probinsya nga gisugdan nganha sa LGU level niadtong Marso 2023.
Kabahin kini sa tinguhang makubsan ang kapobrehon sa lalawigan subay sa SDPI Program ug PAGLAUM Development Agenda sa letrang P Participatory Governance.
By: Ellen Mae Lahinao/PIO
Hulagway kuha ni: Mark Anthony Pareja/PIO