GIBUTYAG ni Governor Juliette T. Uy nga sa iyang pamunuan adunay mga ahensya ang andam mo tabang alang kaniya. Lakip na niini ang Cagayan de Oro Filipino-Chinese Chamber of Commerce, Oro Chamber of Commerce, Ficco ug uban pa. Gipaabot ni Uy nga pinaagi sa tabang sa mga nagkadaiyang ahensiya dako ang iyang pagtuo nga matuman ang mga programa ug proyekto alang sa dugang kalambuan sa tibuok probinsya.
Dugang pa sa inahan sa lalawigan nga iyang ihatag ang tinud-anay nga pag-alagad aron mahaw-as sa kalisod ang matag misamisnon. Giiawhag usab niini ang tanan empleyado nga maghatag tinud-anay nga serbisyo nga dili lantawon ang kolor sa politika. Nagtuo kini nga pinaagi sa panaghiusa makab-ot ang kalambuan ug kabag-ohan sa tibuok lalawigan.
Kahinumduman nga gilauman usab sa mga Empleyado ug mga Opisyales nga mapalapdan pa ang mga Program ug Proyekto sa probinsya pinaagi sa Administrasyong Uy.
By: Ellen Mae Lahinao/PIO
Hulagway kuha ni: Jezreel Ecuacion/PIO
