MIKORTESIYA sa buhatan ni Governor Juliette T. Uy si National Bureau of Investigation (NBI) Director Jaime Santiago kauban ang mga kadagkoan sa ahensya. Atol sa pagbisita, gihisgotan niini ang planong pagatukoron nga NBI Satellite Office sa El Salvador City. Dako ang kalipay ni Dir. Santiago human gibutyag sa gobernadora nga andam kini motabang alang sa katumanan niini.
Matud ni Santiago, makatabang kini og dako sa katawhan hilabina niadtong magkuha og NBI Clearance aron mas duol na ug maminusan ang gasto sa plete ug oras. Gilauman karon sa ahensya nga makamugna og daghang buhatan sa mga public places sama sa mga malls ug uban pang dapit nga accessible sa katawhan. Tumong niini nga mapaduol ang serbisyo sa ahensya ngadto sa katawhan aron daghan pa ang maalagaran.
Padayun ang pakigtimbayayong ni Governor Uy sa nagkadaiyang ahensya aron daghan pa ang matabangan nga mga Misamisnon.
By: Jane Salimbao/PIO
Hulagway kuha ni: Marvin Gilig/PIO