NAGMABULOKON ang pag-abli sa Province-wide 2024 National Tourism Week Celebration atol sa Flag Raising Ceremony. Kini gipangunahan ni Provincial Tourism Office Office-in-Charge Ms. Maryden Ocot, Provincial Tourism Council Co-chairperson Erlinda “Ging” Unabia ug Department of Tourism-10 Regional Director Marie Elaine Unchuan.

 

Atol sa kalihokan gipirmahan ang Memorandum of Agreement (MOA) tali sa lokal nga kagamhanan, Misamis Oriental Hotel and Restaurant Association (MOHARA) ug University of Science and Technology of Southern Philippines (USTP)-Claveria Campus. Kini alang sa internship program tali sa MOHARA ug USTP diin makahimo na og on-the-job training ang mga Food Processing and Technology ug Hospital Management Students sa mga hotel ug restaurant sulod sa Misamis Oriental.

 

Samtang laing MOA tali sa Department of Tourism-10 nga mag-gahin sa 500,000 pesos isip suporta sa Misor sa selebrasyon sa National Tourism Week. Gipasidunggan usab si Kirk Popiolek sa iyang naangkon nga kadaogan isip Queen Philippines 2024 human siya nag-represintar sa lalawigan. Lakip nga masaksihan sa lima ka adlawng selebrasyon ang Food Souvenir presentation contest, culinary cookfest, jingle song contest, cultural dance contest, familiarization tour ug uban pa.
Kabahin kini sa tinguhang makubsan ang kalisod sa lalawigan subay sa SDPI Program ug sa PAGLAUM Development Agenda sa gobernador sa letrang “G” kon Goal-oriented Tourism Development.
By: Jane Salimbao/PIO
Hulagway kuha ni: Mark Anthony Pareja/PIO