Subay sa pag tuman ni Governor Juliette Uy sa iyang gi panumpaan nga tarong mo serbisyo sa katawhan, gi imbita niya ang SERVE DIAGNOSTICA INCORPORATED, usa ka health system provider nga mag himo sa paspas ug digital nga pag monitor sa matag pasyente sa mga provincial hospital. Kini nga systema mao ang gi gamit sa Department of Health ug sa LGU sa syudad sa Makati. Tun-an pag maayo sa administrasyon ni Governor Juliette Uy kung maayo ba ang maong system ug maka hatag dakong alibyo sa problema sa panlawas dinhe sa lalawigan.
Bisan pila palang pa ka adlaw naka lingkod ang atong gobernador nangita na syag mga possibling solusyon sa hospital crisis sa lalawigan. Dili pa final ang pag kuha sa maong health service provider apan maka laom ang katawhan nga tun-an kini pag ayo ug mo agi sa legal ug transparent nga processo aron maka siguro nga ang mga kabos nga dunay gi hambin nga balatian ang maka benipisyo.
By: Joane Tabique/PIO
Hulagway kuha ni: Charm Andy Pacamalan/PIO
