MOKABAT sietentay singko (75) ka Pollution Control Officers ang gibansay sulod sa lima (5) ka adlaw pinangulohan sa Provincial Local Environment & Natural Resources Office (PLENRO). Kini sa laraw nga makakat-on sila sa ilang tahas may kalambigitan sa pag-protehir sa kinaiyahan. Ug pinaagi niini mahingusgan ang tanang programa alang sa pagpalambo sa industriya.

Ang mga gihisgutan gilangkoban sa Environmental Regulations, Climate Change & Ozone Depleting Substances, Air Quality Sampling & Source Emission Testing, Environmental Management & Cleaner Production, ug Self-Monitoring & Compliance Monitoring Reports. Lakip gihatagan katin-awan bahin sa mga balaudnon sama sa Presidential Decree No. 1151: Philippine Environmental Policy, RA 6969: Toxic Substances and Hazardous and Nuclear Wastes Control Act of 1990, ug RA 8749: The Clean Air Act and its IRR. Pag-awhag usab ni Pollution Control Association of the Philippines Inc. (PCAPI) – National President Engr. Shirlyn Reyes nga angayng batonan sa tanang PCO ang mga kinaiya nga Passionate, Courageous ug Outstanding. Kini alang sa ilang epektibong pagsanong sa tanang responsibilidad. Ang mga partisipante gikan sa nagkadaiyang LGUs sa lalawigan, private entity sama sa live stock company ug MOHARA, ang USTP CDO, ug walo ka provincial hospitals.

Kahinumdomang tinguha ni Gov. Peter “Sr. Pedro” Unabia nga walay makalimtang sektor apan matutokan labina ang kinaiyahan nga nagsilbing pundasyon sa tanang project implementations. Katimbayayong niini nga kalihukan ang DENR- Environmental Management Bureau 10 ug PCAPI National.

Kabahin kini sa tinguhang makubsan ang kalisod sa lalawigan subay sa SDPI Program ug PAGLAUM development agenda ni Governor Peter Unabia ubos sa letrang P, Participatory Governance.

By: Rejiann Ammor R. Maygay/PIO

Hulagway kuha nila: Marvin Gilig/PIO & Angel Abrogar/PIO Intern