GIBISITAHAN ni Governor Juliette Uy ang upat (4) ka Misamis Oriental Provincial Hospital (MOPH) sa unang distrito ning lalawigan. Kini aron masuta sa gobernadora ang sitwasyon sa mga MOPH ug mahatagag kasolbaran ang mga nag unang problema niini. Pipila sa mga nakita nga problema ni Gov. Uy sa ospital sa Balingasag, Talisayan, Magsaysay ug Gingoog City mao ang kakulangon sa mga ekipo, tambal, panubig, kuryente, ug imprastraktura.

Matod ni MOPH Magsaysay Chief of Hospital Dr. Kathleen Ambal, makapagawas usab sa ilang kaugalingog kwarta ang mga pasyente aron maka gamit sa dugang mga serbisyo sa ospital. Samtang gilauman ni MOPH Talisayan Chief of Hospital Dr. Rhea Austria nga mahatagan kinig kasulbaran sa bag-ong administrasyon.

Gipasalig usab ni Governor Uy nga mahatagan kinig aksyon sa daling panahon alang sa kaayohan sa katawhan. Gitakdang mobisita ang gobernadora sa mga MOPH sa segundo distrito.

By: Nefilim Diaz/PIO

Hulagway kuha ni: Jezreel Ecuacion/PIO