PORMAL nga gi-presentar sa Provincial Health Office (PHO) ang naangkon niining mga pasidungog gikan sa Department of Health (DOH). Ang mga awards gilangkoban sa Outstanding Synchronized Electronic Immunization Repository (SEIR) Compliance Award, Top Performing Province sa Bivalent Oral Polio Vaccine Catch-up and Supplemental Immunization Activity, ug laing award gumikan sa dedikasyon sa pagtuman sa maong programa. Samtang giila usab ang PHO sa nakab-ot nga 86.45% sa Family Planning Program Demands, pagkab-ot sa 93% isip provider–initiated HIV counselling and testing-rote sa tanang na-enroll nga TB patients, pag-angkon sa 96% treatment success rate sa Tuberculosis, pag-atiman alang sa adolescent health and development program, pag-ila isip active member sa regional infant & young child feeding task force Northern Mindanao ug pagtukod sa Disaster Risk Reduction and Management in Health (DRRMH).Dugang niini, gipasidunggan usab ang mga balay tambalanan sa MOPH- Talisayan, Initao, Magsaysay ug OWWA Alubijid sa pagkab-ot sa 100% sa newborn screening coverage. Tumong sa gobernador nga maila ang mga paningkamot sa buhatan tungod sa walay puas nga pag-atiman sa panlawas sa katawhan sa probinsya.

Kabahin kini sa tinguhang makubsan ang kalisod sa lalawigan subay sa SDPI Program ug sa PAGLAUM Development Agenda ni Governor Unabia sa letrang “P” kon Participatory Governance ug letrang “U” kon Unified Efforts for Health and Social Services Delivery.

By: Jane Salimbao/PIO

Hulagway kuha ni: Charm Andy Pacamalan/PIO