Misamis Oriental: Nagpahimagno ang Provincial Health Office (PHO) sa publiko batok sa posibling pagsaka sa kaso sa dengue sa probinsya.
Gibutyag ni PHO OIC – Dr. Israel L. Peralta Jr. nga posibleng mosaka ang kaso sa dengue tungod sa pag abri sa face-to-face classes.
Gidugang ni Dr. Peralta nga walay na-obserbahan nga pagsaka sa dengue sulod sa duha (2) ka tuig ug posibleng mahitabo kini sa ikatulong tuig subay sa gitawag nga 3 year trend.
Nanawagan usab ang PHOsa striktong pagpatuman sa programang 4S KONTRA DENGUE. Ang 4S KONTRA DENGUE nagpasabot sa “Search and Destroy” sa itloganan sa lamok, “Secure Self Protection” sa pina-akan sa lamok, “Seek Early Consultation” kung dunay symptomas sa dengue, ug “Say Yes to Fogging” isip katapusang pama-agi aron malikayan ang pagkuyanap sa dengue.
Ang programa sa panglawas usa sa nag-unang programa ni Gov. Peter Unabia ning lalawigan.

By: NEFILIM DIAZ/PIO