GIPASIDUNGGAN sa Kagamhanang Probinsyal ang Provincial Health of ug Tourism Office. Ang certificate of recognition and monetary incentive gitunol atol sa sinemanang pagpakayab sa nasudnong bandila. Kini human girekominda ni Governor Peter “Sr. Pedro” Unabia ang pagrekognisar sa mga kalampusang nabuhat sa mga buhatan. Ang Provincial Tourism Office nakadawat sa usa ka gatos ka libo ka pesos (100,000) nga cash incentive.
Kini pag-ila sa ilang mga kalampusan sa tuig 2024 nga gilangkuban sa Best Tourism Video in the Philippines grand winner, Best Tourism Month/Week Celebration in the Philippines grand winner, Best Tourism Oriented Province 1st runner up, ug Most Outstanding Tourism Officers Association finalists. Ang Provincial Health Office nakadawat sa sinkwenta mil pesos (50,000) sa pagkab-ot sa ubay-ubayng award sa Regional Harmonized Awarding 2024 gikan sa Department of Health ug ang award sa Outstanding Synchronized Electronic Immunization Respiratory Compliance.
Kabahin kini sa tinguhang makubsan ang kalisod sa lalawigan subay sa SDPI program ug PAGLAUM agenda sa letrang P – Participatory Governance.
By: Nefilim Diaz/PIO
Hulagway kuha ni: Charm Andy Pacamalan/PIO