USA sa tinguha sa administrasyong Unabia nga makubsan ang kapobrehon sa lalawigan. Kini ang sentro sa mensahe ni Governor Peter “Sr. Pedro”Unabia atol sa flag raising. Gibutyag niini nga pinaagi sa alyansang PAGLAUM ug PADAYON PILIPINO makabat-ot sa dili madugay ang Single Digit Poverty Incidence (SDPI) sa lalawigan. Pinaagi usab niini nga makubsan ang kagutom og kalisod sa usa ka gatos ka libo (100,000) ka kabataan sa probinsya. Atol sa programa gipadayag sa Gobernador ang kalambuan sa natad sa turismo sama sa Mindanao Rail Way Project ug ang mamahimong Laguindingan International Airport sa tuig 2025.
Samtang sa mensahe usab ni Vice Governor Jigjag Pelaez hugot ang iyang pagtuo pinaagi sa panaghiusa, makabat-ot ang mga plano ug programa nga tinguha sa administrasyon. Hugot usab ang pagtuo niini nga mainiton ang suporta sa matag Misamisnon alang sa maong alyansa og dako ang pagtuo nga kini magmadaugon. Nagpasalamat usab ang administrasyong Unabia sa dakong suporta sa katawhan ug mihangyo balik nga ipadayon ang pag-suporta para mapadayon ang mga programa ug plano alang sa matag Misamisnon.
Kabahin kini sa tinguhang makubsan ang kalisod sa lalawigan subay sa SDPI Program ug PAGLAUM Development Agenda sa letrang P, Participatory Governance.
By: Ellen Mae Lahinao/PIO
Hulagway kuha ni: Charm Andy Pacamalan/PIO