GIDAYEG ni Misamis Oriental Hotels and Restaurants Association (MOHARA) President ug Provincial Tourism Council Member Bjanesha M. Emphasis ang tourism agenda ni Gov. Peter “Sr. Pedro” Unabia. Kini iyang gibutyag atol sa Pamilyang Misamisnon Unahon radio program. Si Ms. Emphasis mao usab ang General Manager sa Apple Tree Resort and Hotel kung asa naghatag dakog suporta sa tinguha sa probinsya sa pagpalambo sa industriya. Dako usab ang pasalamat niini sa paghatag pagtagad sa kasamtangang administrasyon sa turismo.

Sa susamang rason samot sila naawhag sa maong asosasyon nga ipalambo ang nagkadaiyang produkto ug serbisyo alang sa katawhan. Sama nalang sa bag-ohay lang nga pinirmahay sa Memorandum Of Agreement (MOA) sa MOHARA tali University of Science and Technology of Southern Philippines (USTP)- Claveria. Kini bahin sa pagtabang sa mga On-The-Job trainees nga maandam ngadto sa tourism-related jobs. Samtang gidugang ni MOHARA Pres. Emphasis ang kalamposan sa national tourism week nga nahimo silang kabahin.