NAAWAN WATERSTARS GIPASIDUNGGAN SA PGMO

GIPASIDUNGGAN sa kapitolyo probinsiyal ang trayntay-dos (32) ka mga swimmers gikan sa lungsod sa Naawan gumikan sa ilang pag-kampeyon sa Finis Swimfest National Finals didto sa Capas, Tarlac. Ang Naawan Waterstars (NWS) miangkon sa gold medals sa maong torneyo nga gipahigayon didto sa New Clark Aquatic center. Gitunolan ni Gov. Peter Unabia ug cash ug medalya ang mga batang swimmers isip pag-ila sa dungog nga ilang gidala balik sa lalawigan. Ang NWS mipildi sa kuwarentay singko (45) ka teams gikan sa ubang parte sa nasud. Gidayeg usab ni Gov. Unabia ang maayong programa sa Naawan sa natad sa paugnat sa kusog.

By: Jessie A. Andallasa/PIO

Hulagway kuha ni: Marvin Gilig/PIO