PARTICIPATORY GOVERNANCE, maoy nagsilbing sumbanan sa programa ni Governor Peter M. Unabia sa tanang myembro sa Local School Board (LSB) ning lalawigan.
Gitumbok ni Unabia nga angayang mahiusa ang mga programa ug implementasyon sa proyekto sa tibuok probinsiya. Lakip sa gituki sa maong tigum ang pagtukod ug Special Education Centers (SPED), pagkuha ug dugang magtutudlo para sa elementarya ug junior high school, pag-umol sa palisiya sa Brigada Eskwela ug uban pa.
Gihisgutan usab ang makaangayon nga pagpatuman sa programa sa edukasyon sa tibuok lalawigan. Mitambong sa maong tigum sila si Sangguniang Panlalawigan Education Committee chairmanGerardo Sabal III, Health committee chairman Rey Buhisan, Provincial Administrator John Venice Ladaga, Schools Division Superintendent Jonathan S. Dela Peña ug ubang kadagkuan sa tulonghaan ning lalawigan.
Governor Unabia isip LSB Chairman alang sa pag-aprobar o evaluate sa tanang meeting agenda.
PESO mgr. Mr. Jerome Mundo nagtanyag sa mga hisgutanan atol sa LSB Executive meeting.
Gov. Peter M. Unabia uban sila Sangguniang Panlalawigan Education Committee chairman BM Gerardo Sabal III, Health committee chairman BM Rey Buhisan, Provincial Administrator John Venice Ladaga ug Schools Division Superintendent Jonathan S. Dela Peña.
Initao District In-charge Adefer B. Caño mihatag suhestyon alang sa kaayohan sa sector sa Edukasyon.
