95 KA KABATAAN MALAMPUSONG NAOPERAHAN
NOBENTAY SINGKO (95) ka kabataan nga dunay depekto sa ilang baba ang nahatagan og bag-ong kinabuhi human sila malampusong naoperahan sa “Smile for Hope—cleft lip ug cleft palate mission for a cause ning bag-o sa Misamis Oriental Provincial Hospital (MOPH)-Gingoog City.
Ang mga benepisyaryo nagikan sa Misamis Oriental, Cagayan de Oro City, Talakag ug Manolo Fortich, Bukidnon.
Matud sa Provincial Health Office (PHO) mikabat sa siento dise siete (117) ka indibidwal ang narehistro ug niagi sa screening process. Siento dos (102) niini ang naadmit sa balay tambalanan. Samtang kinse (15) ang na-defer sa wala pa ang admission ug pito (7) ang alang sa reschedule tungod sa nagkadaiyang rason sama ubo ug sip-on sa pasyente.
Nahimong sponsors sa kalihukan ang Smile Train-Maharlika Charity Foundation Inc. ug Mindanao Shriners-CDO Chapter sa pagpanguna sa kagamhanang probinsyal.
By: Rejiann Ammor R. Maygay/PIO
Hulagway kuha ni: Mark Anthony Pareja/PIO
