GOV. UNABIA DILI MOHUNONG PAGTABANG SA MGA KOOPERATIBA.

GIMANDOAN ni Gov. Peter M. Unabia ang Provincial Cooperative Office pag-monitor sa mga grupo nga nahatagag ayuda sa ilang buhatan.

Matud ni Unabia nga angayang malantaw kanunay ang kahimtang sa mga asosasyon nga gihatagan sa ayuda aron masuta kon unsa nga matang sa intervention ang himoon sa kagamhanang local.

Gitin-aw usab ni Unabia nga kinahanglang mapasabot sa matag miyembro sa kooperatiba ang iyang responsibilidad diha sa iyang grupo ug sa komunidad.

Gidugang pa sa gobernador nga dili mohunong ang kapitolyo probinsiyal pagtabang ilabi na sa mga kooperatiba.

Ang pamahayag ni Gov. Unabia iyang gitumbok kang Cooperative office head Alberto Acain atol sa flag raising ceremony sa probinsiya.