GOV. UNABIA NAGHATAG DUGANG SUPORTA SA LGU TOURISM.

MOKABAT sa tag usa ka gatos ka libo ka pesos (P100,000) ang ihatag ni Gov. Peter Unabia nga dugang ayuda sa mga lungsod nga misalmot sa Provincial Tourism week.
Gi-anunsiyo ni Gov. Unabia ang maong dugang ayuda human niya nakita ang hugot nga suporta sa mga kalungsoran sa natapos nga kalihokan. Gitumbok ni Unabia ang kahago sa tanang mi-partisipar sa nahisgutang kalihokan diin angayan usab ilhon sa kagamhanang probinsiyal.
Kahinomduman nga biente tres (23) ka lungsod ug duha (2) ka siyudad ang misalmot sa tulo ka adlaw nga provincial tourism week.
Lakip sa kalihokan sa maong kasaulogan ang booth contest, pasundayag sa sayaw ug kanta, pasundayag sa mga produkto ug delicacies sa matag lungsod.
Ang Provincial Tourism Council sa pagpanguna ni PTC co-chair Mrs. Erlinda Unabia usa sa nagpaluyo niini nga kasaulogan.
By: Rejiann Ammor R. Maygay/PIO

Hulagway kuha ni: Mark Anthony Pareja/PIO