loader image

SERBISYONG PANGLAWAS HATOD SA PROVINCIAL GOVERNOR’S EXTENSION OFFICE

UBAY-UBAY ang natabangan nga mga mulupyo sa lungsod sa Villanueva human giablihan sa publiko ang Provincial Governor’s Extension Office sa Brgy. Poblacion 2 sa nasangpit nga lungsod.

Sulod sa tulo ka adlaw sugod Oktubre 3, ning tuiga mikabat sa dos sientos trayntay nwebe (239) ka indibidwal ang nakabenepisyo sa libreng konsultasyon ug medisina.

Ang nahisgutang kalihokan subay usab kini sa panghingusog ni Special Assistant to the Governor Ms. Virgelia “Bing” F. Dumadag aron mahatagan og igong serbisyong panglawas ang katawhan sa Villanueva.
Si OIC Provincial Health Insurance Office Dra. Bebina Casiño ang nagsilbing doctor-in-charge sa lugar uban ang ginsakpan sa MisOr CareS.

Ang PGEO abli matag alas nwebe sa buntag paingon alas dos sa hapon gikan Lunes hangtud Byernes para sa tanang dunay gihambin sa lawas ug nagtinguha sa kaayohan sa ilang gibati.

By: Rejiann Ammor R. Maygay/PIO


Hulagway kuha ni: James Achas/PIO