PDRRM PLAN ALANG SA TUIG 2023-2025 GIAPROBAHAN SA PDDRM COUNCIL
APROBADO na sa Provincial Disaster Risk Reduction and Management Council (PDRRMC) ang Disaster Risk Reduction Management Plan para sa tuig 2023 hangtud 2025.
Sa pagpangulo ni Gov. Peter Unabia gi-aprobahan sa konseho ang maong plano human malamposon kining na-presentar sa gihimong panagtigum. Nalatid sa maong plano ang disaster prevention & mitigation, preparedness, response ug recovery & rehabilitation.
Dungan sa kalihokan, nanumpa sab ang mga bag-ong napili nga mga opisyales sa League of the City and Municipal DRRM sa pagpangulo ni Mr. Rommel C. Lonoy sa lungsod sa Opol.
Kauban ni Gobernador Unabia sa panagtigom sila DOST Provincial Director Ms. Junelyn Louvena B. Ruiz, Provincial Legal Officer Atty. Neil Pacana, representante gikan sa DILG nga si Mr. Rey Omal, PSWDO Head Mr. Jhunleymar Abella, Sangguniang Panlalawigan Members Hon. Dexter Yasay, Atty. Michelle Anayron, Leonard Winstanley ug dise sais (16) ka mga City/Municipal DRRM Officers sa lalawigan.
Nauyonan sab sa PDRRMC nga awtomatikong miyembro sa konseho ang presidente sa League of the City and Municipal DRRM.
By: Jane Salimbao/PIO
Hulagway kuha ni: Mark Anthony Pareja/PIO
