OOLONG TEA PROCESSING FACILITY SA GINGOOG CITY, FDA-CERTIFIED NA

GIAPROBAHAN sa Food and Drug Administration (FDA) ang dugay nang gihandum sa Blooming Forest Workers Multi-Purpose Cooperative (BFWMPC) nga maangkon ang Certificate of Product Registration (CPR) sa produktong Oolong Tea niadtong Septembre 23, 2022.
Ang pagbaton ug FDA Approved nga produkto nagpasabot nga luwas kini nga ikunsumo sa publiko. Nagpasabot usab kini nga daling mabaligya sa mga kamerkadohan.
Ang lalawigan maoy bugtong probinsiya sa nasud nga dunay produksiyon sa Oolong tea. Ang Oolong Tea Processing Facility sa Kalagonoy, Gingoog City hugot nga gipaluyohan sa Provincial Agriculture Office.
Kahinomduman nga una nang nakuha sa maong kooperatiba ang License To Operate (LTO) isip Food Manufacturer sa pagpangulo ni Mr. Elmer Dotarot.
Sa kanunay, suportado ni Gobernador Peter Unabia ang tanang kalihokan kalabot sa pagpalambo sa agrikultura uban sa paninguha nga makab-ot sa hingpit ang food security sa probinsya.

By: Jane Salimbao/PIO

Photos courtesy: PAGRO-MisOr Innovation Division