PINAKAUNANG PROV’L COOPERATIVE SUMMIT MALAMPUSONG GIPAHIGAYON

MOABOT sa kapin 200 ka mga miyembro sa mga kooperatiba ang mitambong sa 1st Provincial Cooperative Summit 2022 niadtong Oktobre 13 sa Pearlmont Hotel, Cagayan de Oro City.
Ang kalihokan alayon sa kasaulogan sa National Cooperative’s Month nga gipasiugdahan sa Provincial Cooperative Office nga dunay temang “Empowering Misamisnons through the Cooperative Movement”.
Highlight sa maong kalihokan ang estorya sa nagkadaiyang kalamposan sa mga kooperatiba nga milungtad sa sobra dekada. Samtang gipresentar sa nagkadaiyang ahensya ug kompanya ang ilang mga programa nga naghatag kadasig sa mga kooperatiba.
Samtang gibutyag ni Governor Peter M. Unabianga andam siyang motabang sa mga kooperatiba alang sa ilang kalamboan.
Mitambong sa maong kalihokan sila Board Member Dexter Yasay, Gerardo Sabal III, Rey Buhisan, PCO Head Mr. Alberto Acain, Cooperative Development Authority-10 Assistant Regional Director Ms. Marissa Catubig uban ang 98 ka mga kooperatiba sa tibuok probinsya.

By: Jane Salimbao/PIO

Hulagway kuha ni: Marvin Gilig/PIO