SPORTS SA MISOR, PAHINGUSGAN

TUTOKAN sa Provincial Sports Development Council ang pagpalambo sa sports program sa lalawigan.

Gibutyag ni Gov. Peter Unabia nga gikinahanglan ang igong panahon aron mahisgutan ang mga programa. Lakip sa gikonsiderar sa PSDC ang “sports on wheels” diin dunay sports activities ang lalawigan sa tibuok tuig.

Lakip na usab niini ang sports coordinator sa matag lungsod ug lalawigan, training sa mga coaches, paugnat sa kusog para sa mga lumad, ug folk and ethnic dance.

Kahinomduman nga gibutyag ni SK Federation president sa regular session sa Sangguniang Panlalawigan nga importante ang mga sports coordinator sa matag lungsod ug siyudad para sa pagpatuman sa mga programa sa lalawigan.

By: Nefilim Diaz/PIO

Photos Courtesy: Provincial Governor’s Office