MALAMPOSONG napahigayon ang consultative meeting workshop nga gipasiugdahan sa Provincial Youth Development Office.
Ang tigum nga giubanan sa KEAMENNA Inc., usa ka non-profit organization nagtumong nga mahatagag kahibalo ang mga batan-on sa lalawigan sa pagpadagan sa ilang organisasyon. Lakip sa gitun-an sa mga batan-on ang pagpanday sa balaod ug panginabuhi-an. Gipakita usab sa KEAMENNA Inc. ang mga problemang gisagubang sa mga batan-on sama sa kakulangon sa edukasyon, teenage pregnancy ug panglawas.
Gibutyag ni SK Federated Board Member Kerwin Jess Soldevilla nga kaabag sa mga kabatan-onan ang Panggamhanang Probinsyal sa pag mugna og mga programa alang sa ikalambo sa lalawigan.
Kahinomduman nga kabahin sa PAGLAUM agenda sa pamuno-an ni Gov. Peter Unabia ang agresibong programa para sa mga kabatan-onan. Anaa usab sa maong tigum ang reprisintante sa Interior and Local Government Department ning rehiyon.
By: Nefilim Diaz/PIO