DUL-AN TRES-MILYONES GITUNOL SA DILG UG PSWD SA MGA KANHI REBELDE

GIPAHIGAYON ang Enhanced Comprehensive Local Integration Program (E-CLIP) Awarding ngadto sa mga kanhi rebelde isip suporta sa pagbalik nila sa ilang komunidad.
Kini human mitapos ang 25 ka mga kanhi rebelde sa Deradicalization Training. Personal nga gitunol ni DILG-Misor Provincial Director Marisia Naybe ang pinansiyal nga ayuda sa matag benepisyaryo.
Ang nahisgutang kantidad nagpresintar sa reintegration, livelihood, immediate ug fire arms remuneration nga mikabat sa kapin 2-Milyones. Samtang mitunol usab ug ayuda ang kapitolyo probinsiyal pinaai ni PSWDO Head Mr. Jhunleymar Abella sa kantidad nga 5,000 pesos.
Hugot nga gimando ni Governor Peter Unabia nga mapailawom sa social preparation ang tanang mga kanhi rebelde sa dili pa kini mahatagan sa assistance aron hingpit nilang mahibalo-an ang sugdan nilang panginabuhi-an.
By: Jane Salimbao/PIO

Hulagway kuha ni: James Achas/PIO