TINGUHA ni Governor Peter Unabia ang dekalidad nga edukasyon sa lalawigan. Kini mensahe sa gobernador sa local school board consultative meeting sa walo (8) ka distrito sa lalawigan.
Sa maong katiguman lakip sa gihangyo sa mga school heads ang mental health awareness seminar sa mga kabatan-onan ug magtutudlo, perimeter fence, covered courts, playground, wooden armchairs samtang ang mayorya kanila mihangyo og bag-ong classrooms.
Ang walo (8) ka mga distrito gilangkoban sa Laguindingan, Gitagum, Libertad, Initao North, Initao South, Naawan, Manticao ug Lugait.
Mitambong usab sa maong panagtigom sila si Department of Education-Misamis Oriental Schools Division Superintendent Dr. Jonathan S. Dela Peña, Parents-Teachers Association President Mr. Eric Mabilin, Misor Public School Teachers Association President Ms. Maria Asuncion Rafols, Laguindingan Mayor Hon. Diosdado Obsioma ug uban pang mga dinapit nga bisita.
By: Jane Salimbao/PIO
Nakighinabi si Governor Unabia kang Laguindingan Mayor Hon. Diosdado T. Obsioma.
Mitambong ang tanang mga school heads gikan sa mga lungsod sa Laguindingan, Gitagum, Libertad, Initao North, Initao South, Naawan, Manticao ug Lugait.
Personal nga mitambong si Governor Unabia aron madungog ang tanang yangongo sa mga school head sa nagkadaiyang tunghaan sa westeng bahin sa lalawigan.
Mihatag si Department of Education-Misamis Oriental Schools Division Superintendent Dr. Jonathan S. Dela Peña sa iyang mensahe atol sa Local School Board Consultative Meeting.
